سلااام بنات كيفكم 🙋🏾؟
من زمااان مرة عن المدونة 💔 .
اليوم كتبت موضوع عن اهداف السنة الجديدة و وسيلة تساعدك عشان تنظميها 💪🏽 .
انا عارفة اني مرة متأخرة ، لكن ماشريت المفكرة الا بعد شهر ، وقررت استخدمها شهر وبعدين احكم ، مع ان استخدام شهر مو كافي اني احكم بصورة كاملة ، بس لسا عندنا 10 شهور يمدينا ننجز اذا كان عندنا همة 💪🏽💖.
انا ما ابغا اشرح كيف نستخدم مع المفكرة لان مصممتها أ.اسيل عملت فيديو تشرح فيه طريقة الاستخدام ، هنا
انا ابغا اتكلم عن كيف انا تعاملت مع المفكرة واش اضفت اشياء ساعدتني .
بس بقول لكم ان انا غبشت عالصور وصاير الشكل كانه موية انكبت وحبر وكذا 🙂.
المهم نبدا
اولاً :
قبل كل شهر فيه صفحة فاضية وصفحة عليها عبارة تحفيزية ، انا اضفت نوت صغير لمهمة الشهر + نوت لقائمة التسوق لكل شهر ، الاشياء اللي اشتريها مع سعرها + بالاضافة لعبارة تحفيزية 🌸.
في نهاية المفكرة فيه صفحات كثير فاضية ، تكتبي فيها تشخبطي اللي يعجبك ، انا اخذت صفحة وحطيت فيها جدول رياضة ، وصفحة ثانية جدول عناية 💫 .
من اكثر الاشياء اللي عجبتني هذي الصفحة ( قوائم التجارب ) فعلياً شي مرة جميل تكتبي قوائم من كتب ، افلام ، مطاعم ، مشتريات ، وانا احط جنبها تقيماتي للاشياء بنجوم من خمسة ، والصفحة المقابلة ، تحطي قوائمك الخاصة ، مثلا اغاني ، مسلسلات ، اشياء تعمليها لنفسك .... وتطول القوائم 🕊.
هنا بوريكم الاشياء اللي استخدمها في المفكرة ، طبعا في نهاية المفكرة لصقت هذي الستيكي نوت ، وهذي الدائرات الصغيرة 😂💕، للمواعيد مثلا موعد مرة مهم او اي شي مستعجل نحط عنده طابع احمر ، وهكذا ...
+ هنا استخدم المؤشرات الملونة ، اقلام ملونة ، اشرطة لاصقة باشكال والوان ، مشابك .. طبعا مو دايم استخدمها على حسب المزاج😎.
، وبس كذا ان شا الله تعجبكم المفكرة ، جديا تساعد في التنظيم .
لا تنسون التعليقات .
بااي
تعليقات
إرسال تعليق